Вернікі Бярозаўкі адзначылі дажынкі
Да іх на свята завіталі ксяндзы, манахі і манашкі з іншых прыходаў. А таксама асвяціць агародніну і благаславіць працаўнікоў, якія вырасцілі яе, прыехаў біскуп Віцебскай дыяцэзіі Алег Буткевіч. Па словах айца манаха-капуцына Андрэя Жылевіча, Бярозаўка цікавая тым, што яна злучае дзве традыцыі, а яднае каталікоў і праваслаўных каталіцкая капліца, якая пабудаваная на месцы былой канторы.
– Свята ўраджаю – гэта свята, якое мы перажываем і адзначаем сумесна, як адна хрысціянская сям’я. Дзякуем Богу за ўраджай, за тое, што ён нам дае, за бласлаўленне.
– Ёсць тут, акрамя каталікоў, і праваслаўныя. Усе жывуць у згодзе. Маем супольны агарод, куды кожны можа прыйсці і ахвяраваць свой час, а таксама штосьці з яго ўзяць.
У час свята адбылася імша ды прагучаў канцэрт, які падрыхтаваў мясцовы Дом культуры. А таксама святары і парафіяне Бярозаўкі частавалі ўсіх прысутных смачнай юшкай і іншымі стравамі, прыгатаванымі на вогнішчы.
[Not a valid template]
Таццяна Смоткіна, Беларускае Радыё Рацыя
Фота аўтаркі
Глядзіце таксама
