“Выбраныя вершы” Міхася Стральцова выйшлі ў серыі “Паэты планеты”
У кніжнай серыі “Паэты планеты” выдавецтва Зміцера Коласа выйшла яшчэ адна кніга – Міхась Стральцоў “Выбраныя вершы”.
Пра выданне на яго прэзентацыі распавёў ўкладальнік – паэт, перакладчык Андрэй Хадановіч:
– “Паэты планеты” маюць ужо шмат дзясяткаў пазіцый. Нядаўна мы казалі ад старажытна-грэцкіх і старажытна-рымскіх паэтаў, да нашых дзён, сярод нашых блізкіх найлепшых паэтаў ХХ стагоддзя. Чацвёрты беларускі паэт у гэтых дзясятках і дзясятках сусветнай велічыні паэтаў – Міхась Лявонавіч Стральцоў. Кароткі выбар з усіх трох яго галоўных кніг.
Кнігу выбранага Міхася Стральцова прэзентавалі ў межах Міжнароднага паэтычнага фестывалю яго імя “Вершы на асфальце”. Фестываль адбыўся ў Менску цягам мінулых выходных дзён.
Максім Каўняровіч, Беларускае Радыё Рацыя, Менск
