Выстава амерыканскіх агітацыйных плакатаў у Пінску
Убачыць амерыканскія агітацыйныя плакаты часоў Першай Сусветнай вайны (1914-1918) магчыма ў Пінскай цэнтральнай гарадской бібліятэцы. Выстава, якая арганізавана пры дапамозе амбасады Злучаных Штатаў Амерыкі ў Беларусі, будзе працаваць да канца верасня.
Загадчыца аддзела замежнай літаратуры Алена Рамановіч паведаміла, што амерыканскія плакаты сталі брэндам і выкананыя на высокім мастацкім узроўні:
– Вядомы плакат “Ты патрэбны мне ў арміі ЗША”. Яго заслуга ў стварэнні вобразу Дзядзі Сэма. Дарэчы, гэты плакат далей быў выкарыстаны і ў часы ІІ Сусветнай вайны. Усім вядомы плакат 1920 года “Ты запісаўся дабравольцам?” быў спісаны з гэтага плаката.
Экспазіцыя ўжо прадстаўлялася ў Нацыянальнай бібліятэцы ды шэрагу навуковых устаноў краіны. Цяпер чарга дайшла да Пінску, бо гарадская бібліятэкак супрацоўнічае з амерыканскай амбасадай у інфармацыйна-асветніцкім кірунку.
[Not a valid template]
Пятро Савіч, Беларускае Радыё Рацыя
Фота аўтара
Глядзіце таксама
