Як Фенікс з попелу
„Як Фенікс з попелу. Разбурэнне і аднаўленне Варшавы 1939 – 1955” – такая экспазіцыя адкрылася на другім паверсе кінатэатра “Беларусь” у Берасці. Выстава прысвечана адраджэнню разбуранай дашчэнту Варшавы ў гады Другой сусветнай вайны ў часы нямецкай акупацыі.
Адзін з галоўных арганізатараў мерапрыемства, віцэ-консул Генеральнага консульства Рэспублікі Польшча ў Берасці Славамір Лучак распавёў пра значэнне адкрыцця такой экспазіцыі:
– Палякі ганарацца Варшавай. Гэта зараз прыгожы, сучасны горад, цэнтар культурнага, навуковага і эканамічнага жыцця краіны. Але палякі памятаюць, што адбылося ў гады Другой сусветнай вайны, асабліва ў 1944 годзе – пасля задушэння Варшаўскага паўстання.
Агулам на выставе прадстаўлена больш за тры дзясяткі чорна-белых фотаздымкаў Варшавы ў часы вайны, наведаць экспазіцыю можна да 20 студзеня 2016 года.
Беларускае Радыё Рацыя
Фота mybrest.by
Глядзіце таксама
