Якую ролю грае карыкатура ў дэмакратычным грамадстве?
Якую ролю грае карыкатура ў дэмакратычным грамадстве? Пра гэта падчас адкрыцця выставы твораў Эрыка Ліпіньскага ў галерэі «Універсітэт культуры» распавяла дырэктарка Варшаўскага музея карыкатуры Эльжбета Ласкоўска:
– Карыкатура – гэта мастацтва хуткага рэагавання. І ў моманты палітычных і сацыяльных зменаў у карыкатурыстаў з’яўляецца шмат тэм, на якія яны могуць рэагаваць. Для карыкатуры час пералому, зменаў – гэта як бы натуральны асяродак. Творцы такога кірунку мастацтва cапраўды маюць магчымасць прадставіць свой талент у гэтай галіне.
Выстава «Эрык Ліпіньскі – Карыкатура» будзе працаваць да 18 сакавіка. Уваход вольны.
Беларускае Радыё Рацыя, Менск
