Зборнік вершаў паэта са Шчучына
У гарадзенскім выдавецтве “ЮтСаПрынт” выйшаў зборнік вершаў паэта са Шчучына Рычарда Бялячыца “На вейках траў”.
Рычард Бялячыц – сябра Саюза беларускіх пісьменнікаў, лаўрэат літаратурнай прэміі імя Анатоля Іверса, сваю новую кнігу прысвяціў маленству, каханню, людскім узаемаадносінам, а таксама гістоыі Бацькаўшчыны. З цікавасцю чытаюцца вершы на гістарычную тэматыку “Радзіма”, “Чырвоны замак”, “Я не адзін”, “Тызенгаўзы”, “Вяртанне да Літоўкі” і многія іншыя. Трэба быць сапраўдным паэтам, каб напісаць такія радкі:
Ты – князь,
Я – пажыццёвы селянін,
А зорка пад сабой адна вадзіла.
І падаў снег, і дождж ішоў адзін,
І на дваіх была адна Радзіма…
У зборніку “На вейках траў” Рычард Бялячыц змясціў і сваю аўтабіяграфічную паэму “Гронкі жыцця”.
Барыс Баль, Беларускае Радыё Рацыя
