’’Жнівеньскія сустрэчы’’ ў Берасці
Маладыя мастакі з усёй Беларусі сабраліся ў выставачнай зале берасцейскага абласнога грамадска-культурнага цэнтру па вуліцы Савецкай. Тут адчынілась выстава ’’Жнівеньскія сустрэчы’’. На экспазіцыю было адабрана больш за две сотні прац, аднак у выставачнай зале змясцілася толькі сто трыццаць.
Куратар выставы Пётр Кузьміч адзначыў, што хоць адмысловай канцэпцыі і няма, але ўсе працы гармануюць паміж сабой:
– На мой погляд, атрымалася вельмі цікавая выстава. На яе ахвотна адклікнуліся мастакі. З Менска вельмі цікавыя працы прывёз Васіль Цімашоў, цікавая інсталяцыя з гаршкоў Паліны Піраговай.
Выстава ’’Жнівеньскія сустрэчы’’ ўключыла ў сабе працы ў тэхніцы жывапіс, графіка, скульптура і дэкаратыўна-прыкладное мастацтва. Наведаць яе можна цягам дзесяці дзён – да першага верасня ўключна.
Беларускае Радыё Рацыя, Берасце
Глядзіце таксама
