Кыргызстан: Ошскі базар
Адно з самых цікавых месцаў у горадзе Ош, у якім мы заночылі пасля перасячэння мяжы, гэта Ошскі базар, дзе можна набыць шмат усялякай таннай дробязі. Гэта прыклад каларытнага азіяцкага месца гандлю, напоўненага пахамі свежых ляпёшак, самсы і духмяных прыправаў, а таксама колерамі яскравай вопраткі мясцовых мусульманак.
[Not a valid template]
Вось такія цікавыя калыскі можна набыць на базары, а таксама, як у былыя савецкія часы, выпіць сапраўднай газіроўкі з сіропам.
[Not a valid template]
Крочым далей.
[Not a valid template]
А вось і новая фаварытка мясцовых дзяўчат. Відаць, турэцкія серыялы карыстаюцца тут вялікай папулярнасцю. 
Вельмі рамантычна…
Набываю прыправу для сярэднеазіяцкага плова.
[Not a valid template]
А вось так жыхары Оша прадаюць цукар.
Народныя кыргызскія каптуры, якія вельмі часта можна ўбачыць на галавах кыргызаў самых розных пакаленняў і ўзростаў.
Кыргызскія сомы. Цяпер можна і заняцца шопінгам.
[Not a valid template]
Прыемна было ўбачыць нешта сапраўды “нашае”.
А таксама прыемна ў час працы пачытаць нейкія жахі.
Гэтыя жанчынкі актыўна лавіруюць сярод машын, якія чакаюць светлафор, з нейкімі драўлянымі прычындаламі. Зёлкавым дымком яны абкурваюць машыны на добрую дарогу і чакаюць узамен аплат. Мясцовыя вераць, што лепш адлічыць ім крыху дробязі, бо іх злыя пажаданні могуць вылезці бокам.
Мячэць на гары Сулеймана, па-нашаму – Саламона. У народзе бытуе легенда, што знакаміты цар Саламон, праязджаючы гэтыя мясціны, усклікнуў гучна: “Хош!”. Гэтае слова азначала “стой” на іх мове, і накіравана яно было да двух валоў, што пляліся на пачатку войска. Пасля тут паўстаў горад, а назву так пакінулі. Але сама гара Сулеймана з Саламонам асабліва не звязана. Гэта важнае месца паломніцтваў для мусульман, якія вераць, што менавіта тут маліўся прарок Магамет.
Кася Бергель
![[Not a valid template]](https://www.racyja.com/wp-content/uploads/2015/08/46.jpg){kind=link}