Спектаклі Рэспубліканскага Тэатра Беларускай драматургіі ў Беластоку
22 і 23 красавіка Рэспубліканскі Тэатр Беларускай драматургіі з Менска выступіць у беластоцкім Драматычным тэатры імя Аляксандра Вянгеркі (вул. Elektryczna, 12) з двума спектаклямі.
Праграма:
22 красавіка
17:30 – Сустрэча пад назвай „Беларуская драма: класіка і сучаснасць”. Пра два нядаўна апублікаваныя зборнікі „Новая драма Беларусі” распавядзе іх аўтар – Андрэй Москвін. Вольны ўваход.
19:00 – „Адвечная песня” — спектакль, пастаўлены рэжысёрам Сяргеем Кавальчыкам і прымеркаваны да 120-годдзя з дня нараджэння Янкі Купалы. Прэм’ера адбылася 25 верасня 2002 года. Спектакль акрэслены пастаноўшчыкамі як „першая беларуская фольк-рок-опера”.
23 красавіка
19:00 – „Раскіданае гняздо” — спектакль, пастаўлены рэжысёрам Аляксандрам Гарцуевым па аднайменнай п’есе Янкі Купалы да 100-годдзя напісання п’есы. Прэм’ера адбылася 6 красавіка 2013 года. Спектакль стаў творчай спробай увасаблення Аляксандрам Гарцуевым драматычнай задумы Янкі Купалы.
[Not a valid template]
Пасля спектакляў адбудзецца сустрэча з рэжысёрам і акцёрамі.
Білеты на паказы ў цане 20/30 зл. можна купіць анлайн на сайце беластоцкага драмтэатра або ў касе.
Больш падрабязную інфармацыю пра спектаклі і шмат фотаздымкаў знойдзеце на сайце dramatyczny.pl/be/repertuar.
Усіх сардэчна запрашаем!