300 тысяч украінцаў скарысталася бязвізам
300 тысяч грамадзян Украіны ўжо скарысталіся бязвізавым рэжымам з Еўразвязам.
Такую лічбу назваў прэзідэнт Пётр Парашэнка. „Украінцы асабіста пераконваюцца ў слушнасці еўраінтэграцыйных працэсаў нашай дзяржавы”, – зазначыў украінскі прэзідэнт.
„І мы не сыдзем з гэтага шляху, бо Украіна – гэта Еўропа!”, – дадаў Парашэнка.
Пра тое, што дае ўкраінцам бязвіз з краінамі Еўразвязу, разважае старшыня тэлерадыёкампаніі „Свабода-ФМ” Алег Галаваценка:
– Гэта прыбіранне штучных культурных бар’ераў, асветніцкіх і бізнесовых. Да гэтага часу ў нас была адсутнасць бар’ераў з так званым „расейскім светам”, і бар’еры на заходняй мяжы. Гэта негатыўна ўплывала на ўсе сферы жыцця, а перадусім на светапогляд людзей.
Ад 11 чэрвеня ўсе грамадзяне Украіны, якія маюць біяметрычны пашпарт, маюць права наведваць без візаў усе краіны ЕЗ, акрамя Вялікабрытаніі ды Ірландыі.
Беларускае Радыё Рацыя
