Cусветная прэса пра Беларусь: Не баяцца звацца беларусам
ЕЗ трывожыць пагаршэнне сітуацыі з правамі чалавека ў Беларусі. Беларусь у крызісе: рэакцыя Еўропы і Паўночнай Амерыкі. Міжнародны агляд смяротнага пакарання: Беларусь у кампаніі Алжыра, Конга, Ірана і Нігерыі.
«Еўразвяз сур’ёзна занепакоены апошняй справаздачай Вярхоўнага камісара ААН па правах чалавека аб сітуацыі з правамі чалавека ў Беларусі, дзе гаворыцца аб задакументаваных парушэннях, якія могуць быць кваліфікаваныя як злачынствы супраць чалавечнасці», – піша еўрапейскае выданне The Eu Neighbours East.
«У заяве на Інтэрактыўным дыялогу па правах чалавека ў Беларусі Генеральнай Асамблеі ААН 25 кастрычніка ЕЗ сказаў: « Мы занепакоеныя пастаянна расце інструменталізацыяй нацыянальнага заканадаўства для звужэння грамадзянскай прасторы Беларусі і заглушэння любых крытычных галасоў, і ў сувязі з гэтым мы асуджаем нядаўняе прызнанне ПЦ «Вясна» «экстрэмісцкім фарміраваннем», што азначае, што кожны, хто супрацоўнічае з арганізацыяй, можа быць прыцягнуты да крымінальнай адказнасці толькі за працу ў ёй».
«ЕЗ заклікае беларускія ўлады неадкладна і безумоўна вызваліць і рэабілітаваць усіх палітычных зняволеных і затрыманых праваабаронцаў, у тым ліку асуджаных па палітычна матываваных абвінавачаннях у «экстрэмізме» або «тэрарызме», а таксама спыніць жорсткія рэпрэсіі і пераслед грамадзянскай супольнасці. ЕЗ поўны рашучасці разабрацца з сітуацыяй з правамі чалавека ў краіне і працягне падтрымліваць беларускі народ у яго законным імкненні да дэмакратыі, у тым ліку праз падтрымку грамадзянскай супольнасці і незалежных СМІ», — гаворыцца ў заяве. У ЕЗ дадалі, што больш за паўтара года беларускія ўлады дзейнічалі як саўдзельнікі агрэсіўнай вайны Расеі супраць Украіны «насуперак волі пераважнай большасці беларускага народа». «ЕЗ заклікае беларускія ўлады спыніць спрыянне агрэсіўнай вайне Расеі супраць Украіны. Мы самым рашучым чынам асуджаем гвалтоўнае перамяшчэнне Расеяй украінскіх дзяцей на тэрыторыі, якія часова кантралююцца Расеяй, і іх дэпартацыю ў Расейскую Федэрацыю і Беларусь, ды заклікаем Беларусь неадкладна забяспечыць іх бяспечнае вяртанне». У заяве акрэсліваюцца злоўжыванні беларускімі ўладамі заканадаўствам і мерамі па барацьбе з тэрарызмам і экстрэмізмам, каб прымусіць замаўчаць любое фактычнае або ўяўнае іншадумства ў краіне і абмежаваць пакінутую грамадзянскую прастору, дадаўшы, што «нас асабліва непакоіць ліквідацыя прэзумпцыі невінаватасці і права на справядлівы суд на падставе заканадаўства аб барацьбе з тэрарызмам», – падкрэслівае еўрапейскае выданне.
***
«9 жніўня ў Беларусі прайшлі ўсеагульныя выбары, якія нібыта падоўжылі 26-гадовы тэрмін прэзідэнцтва Аляксандра Лукашэнкі яшчэ на пяць гадоў. Аднак пасля выбараў штодня адбываюцца масавыя акцыі пратэсту супраць Лукашэнкі і таго, што многія беларусы лічаць фальсіфікацыяй выбараў. Еўразвяз, Канада, Вялікабрытанія і ЗША назвалі выбары нелегітымнымі. ЕЗ, Канада і Вялікабрытанія зрабілі яшчэ адзін крок і ўвялі супраць краіны санкцыі. Тым часам Расея падтрымала шматгадовага прэзідэнта.Якія наступствы могуць мець міжнародныя санкцыі? Як дэмакратычным краінам ставіцца да абвінавачванняў у фальсыфікацыі выбараў у Беларусі?», – задаецца пытаннямі амерыканскае выданне The Wilson Center.
«Значная змена адбылася ў выніку ваенных дзеянняў Расеі, пачатку ваенных дзеяньняў ва Украіне. Лукашэнка быў занепакоены тым, што нешта падобнае можа адбыцца ў Беларусі і ўвесь час быў балансірам. Ён не хавае свайго імкнення да цесных сувязяў з Расеяй, але ён таксама любіць захоўваць сувязі, трымаць дзверы адчыненымі на Захад, калі расейцы ставяць ціск на яго. Гэта справа вырашыцца сама сабой у знешніх параметрах, навязаных Уладзімірам Пуціным, таму што ён не дазволіць Беларусі выслізнуць з-пад яго кантролю, таму што Беларусь бачыцца расейцам яшчэ больш важнай тэрытарыяльна, рэгіянальна, геастратэгічна, чым Украіна», – прагназуе амерыканскае выданне.
***
Міжнароднае выданне The Death Penalty Info прыводзіць штомесяцовы агляд становішча са смяротным пакараннем у розных краінах свету. У кастрычніку Беларусь першай называецца ў пераліку тых краін, якія захавалі крайнюю меру пакарання. Кампанію Беларусі склалі Алжыр, Дэмакратычная Рэспубліка Конга, Іран, Нігерыя, Катар, Саудаўская Аравія, Сінгапур, Тайвань, В’етнам. І калі ў пералічаных краінах смяротнае пакаранне вынесены з распаўсюд наркотыкаў і ваенна-службовыя злачынствы, то ў Беларусі мела месца пабытовае забойства дзіця. «Пасля таго, як Аляксандр Таратута быў прысуджаны да смяротнага пакарання за забойства, Еўразвяз 19 кастрычніка апублікаваў заяву, у якой заклікаў Беларусь, адзіную еўрапейскую краіну, якая захавала смяротнае пакаранне, рухацца да яе адмены, спачатку ўвёўшы мараторый. У заяве гаворыцца: «[sic] вышэйшая мера пакарання ўяўляе сабой канчатковае адмаўленне чалавечай годнасці, не дзейнічае як стрымліваючы фактар для злачыннасці і робіць судовыя памылкі незваротнымі», – паведамляе міжнароднае выданне.
Вольга Сямашка, Беларускае Радыё Рацыя
