Аб’яднаную сістэму паветрана-касмічнай абароны створаць у СНД да 2025 года
Аб’яднаную сістэму паветрана-касмічнай абароны створаць у СНД да 2025 года. Адпаведнае рашэнне было прынята на пасяджэнні Савета кіраўнікоў дзяржаў Садружнасці ў Сочы.
Работа ў гэтым напрамку будзе будавацца ў адпаведнасці з зацверджанымі прэзідэнтамі асноўнымі напрамкамі адаптацыі аб’яднанай сістэмы проціпаветранай абароны дзяржаў – удзельніц СНД да вырашэння задач паветрана-касмічнай абароны.
Азербайджан і Малдова, якія не з’яўляюцца ўдзельнікамі аб’яднанай сістэмы ППА, устрымаліся ад узгаднення гэтага дакумента.
