Адмова ў правядзенні мерапрыемстваў да Дня Волі ў Гародні
Гарадзенскі гарвыканкам адмовіў гарадской арганізацыі партыі БНФ у магчымасці зладзіць масавыя мерапрыемствы, прысвечаныя 97-й гадавіне абвяшчэння Беларускай Народнай Рэспублікі.
Адмову на правядзенне пікета ў Каложскім парку, месцы, дазволеным для падобных акцый, улады нічым не патлумачылі, што па словах старшыні Гарадзенскай гарадской суполкі партыі БНФ Вадзіма Саранчукова, не з’яўляецца нечаканасьцю:
– Стандартная пазіцыя сённяшняй адміністрацыі як у нашым горадзе, так і па ўсёй краіне. Любая праява актыўнасці, непадкантрольнай мясцовым ці рэспубліканскім уладам, лічыцца нечым нелаяльным і душыцца ад пачатку, пачынаючы ад культурніцкіх імпрэзаў, заканчваючы палітычнымі акцыямі.
Ужо на працягу доўгіх гадоў афіцыйны дазвол на правядзенне масавых акцый, прысвечаных Дню Волі, грамадскія актывісты і прадстаўнікі апазіцыйных палітычных партый атрымліваюць выключна ў Менску. Што датычыць іншых мясцовасцей, то забарона на арганізацыю пікетаў і мітынгаў застаецца актуальнай.
Беларускае Радыё Рацыя, Гародня
Глядзіце таксама
