На Майдане патрабавалі вярнуць Саўчанку ва Украіну
У Кіеве на Майдане Незалежнасці прайшла акцыя ў падтрымку асуджанай у РФ украінскай лётчыцы, народнага дэпутата Надзеі Саўчанкі, перадае hromadske.tv.
Па дадзеных выдання, на плошчы было некалькі дзясяткаў актывістаў. Іх асноўнае патрабаванне да ўкраінскай улады – неадкладна прыняць меры для вяртання Саўчанкі ва Украіну.
Паводле інфармацыі УНН, да акцыі далучылася мама Надзеі Саўчанкі Марыя Іванаўна, якая падзякавала тых, хто сабраўся на Майдане, за падтрымку. „Я вам шчыра ўдзячная за тое, што вы сюды прыходзіце і падтрымліваеце маё дзіця, якое знаходзіцца цяпер у расейскай турме. Я спадзяюся, што ўсё ж Надзя будзе дома … Надзю нельга зламаць, у яе сталёвы характар”, – сказала маці ўкраінкі .
Жанчына заклікала ўлады спыніць вайну ва Украіне, якая забірае дзяцей. Адзначаецца, што таксама адбудзецца супольная малітва за Саўчанку.
Фота УНН
