Ала Фёдарава: Беларусь будзе разглядаць магчымасць пашырэння бязвізавых зон
12 лютага для бязвізавага ўезду ў Беларусь адкрываецца Нацыянальны аэрапорт Менск. Згодна з Указам прэзідэнта Рэспублікі Беларусь, грамадзяне васьмідзесяці краін змогуць наведаць краіну на пяць сутак толькі з пашпартам і медыцынскім страхавым полісам.
Сваю бязвізавую зону на ўзор гарадзенскай хочуць таксама стварыць улады Берасця, паведаміла Генеральны консул Рэспублікі Беларусь у Беластоку Ала Фёдарава. Паводле яе слоў, у будучым улады краіны будуць разглядаць таксама пашырэнне існуючых бязвізавых зон.
– На прыкладзе Гарадзенскай вобласці яны імкнуцца ўнесці такія прапановы, каб бязвізавы рэжым закрануў і чыгуначны вакзал, і гарадзенскі аэрапорт. Я даведалася, што і Берасце хоча таксама мець такую бязвізаву зону.
Як паведамляў у снежні ў Беластоку намеснік старшыні Гарадзенскага аблвыканкама Віктар Лісковіч, прыкладна праз год можна будзе бязвізава паехаць цягніком з Беластока ў Гародню. 1-га траўня адкрыецца для бязвізавага руху водны шлях на Аўгустоўскім канале Рудаўка-Лясная. Да гэтай пары гарадзенскую бязвізавую зону наведала 2800 замежнікаў.
Лукаш Леанюк, Беларускае Радыё Рацыя, Беласток
Фота vgr.by
Глядзіце таксама
