Алег Сянцоў дастаўлены ў Маскву
Расейскія СМІ паведамляюць, што ўкраінскі рэжысёр Алег Сянцоў, які адбывае 20-гадовы тэрмін у Ямала-Ненецкай аўтаномнай акрузе (ЯНАА), дастаўлены ў СІЗА ў Маскве. Гэтыя паведамленні з’явіліся на фоне чаканага абмену заключаных паміж Расеяй і Украінай.
Асуджаны за падрыхтоўку тэракту ў Крыме рэжысёр Сянцоў этапаваны з калоніі ў Маскву. Пра гэта са спасылкай на свае крыніцы паведамляюць агенцтвы Інтэрфакс і ТАСС. Раней пра гэта паведамляў телеграм-канал Baza, спасылаючыся на крыніцу ў калоніі ў Лабытнангі.
«Сянцоў перапраўлены з калоніі ў ЯНАА, дзе ён адбываў пакаранне, у Маскву – у „Бутырку”, – сказаў суразмоўца Інтэрфакса.
„Ён дастаўлены ў Маскву ў рамках працэсу абмену”, – дадала крыніца Інтэрфакса.
Іншая крыніца Інтэрфакса сказала, што Сянцоў мог быць дастаўлены ў СІЗА „Лефартава”, а не ў Бутырскую турму. Baza таксама сцвярджае, што Сянцоў знаходзіцца ў „Лефартава”.
Афіцыйных каментароў па гэтай нагоды пакуль няма. Раней сумневы з нагоды гэтай інфармацыі выказаў адвакат. Намеснік кіраўніка Федэральнай службы выканання пакаранняў Валерый Максіменка паведаміў радыё „Гаворыць Масква”, што не мае інфармацыі аб асуджаным Сянцове.
„Адвакат Зміцер Дзінзе пакуль не пацвярджае інфармацыю аб этапаванні Алега Сянцова з Лабытнангі. Усяго некалькі дзён таму ён быў яшчэ там, атрымаў лісты. Аднак спецэтап авіяцыяй мог перавезці яго ў цягам дня”, – напісаў у сваім телеграм-канале кіраўнік праваабарончай групы „Агора” Павел Чыкаў.
Частка шляху Сянцоў праляцеў на самалёце, а частка аўтатранспартам, піша „Маскоўскі камсамоле” са спасылкай на свае крыніцы.
На мінулым тыдні расейскія СМІ паведамлялі, што Сянцоў не будзе ўдзельнічаць у абмене затрыманымі ва Украіне і ў Расеі.
Пра тое, што Масква і Кіеў выйшлі на фінальную стадыю ўзгаднення абмену асобамі, якія ўтрымліваецца на тэрыторыі абедзвюх краін, на мінулым тыдні паведамлялі расейскія СМІ і адвакаты затрыманых і асуджаных. Прэзідэнт Украіны Уладзімір Зяленскі зробіць усё, каб абмен адбыўся, гэта яго асабістая ініцыятыва, піша ў чацвер „Камерсант”.
Глядзіце таксама
