Аляксандр Класкоўскі: Прапановы Лукашэнкі разлічаныя на пабудову пазітыўнага іміджу
Міратворчыя прапановы Аляксандра Лукашэнкі з’явіліся ў бягучыць радках польскіх інфармацыйных выданняў. Ён прапанаваў спыніць баявыя дзеянні ў раёне Дэбальцава цягам сутак.
“Мы гатовыя нават забраць украінскую зброю да сябе, каб ёю больш не ваявалі” заявіў сёння у часе сустрэчы з кіраўніком Еўрапейскага банку рэканструкцыі і развіцця Аляксандр Лукашэнка.
“Прапановы Лукашэнкі часткова разлічаныя на шырокі водгук і пабудову пазітыўнага іміджу па-за межамі краіны”, – мяркуе палітычны аглядальнік Аляксандр Класкоўскі.
– Цяпер у топ навін трапляюць па нейкіх ключавых словах тыя ці іншыя матэрыялы. І, калі гэта Дэбальцава, а побач ідзе Лукашэнка, гэта ўжо гарантавана будзе ў топе навінаў на розных сайтах і парталах, а заўтра – на першых палосах цэлага шэрагу выданняў – у гэтым сэнсе – вельмі пісьменная піяраўская праца.
Рэакцыі Кіева на прапановы Аляксандра Лукашэнкі пакуль няма. У сваю чаргу міністр замежных спраў Расеі Сяргей Лаўроў заявіў, што прарасейскія баевікі успрымуць прапанову кіраўніка Беларусі з энтузіязмам.
Зміцер Косцін, Беларускае Радыё Рацыя
Глядзіце таксама
