Аляксандр Лукашэнка наведвае Паўночную Афрыку
Напярэдадні Аляксандр Лукашэнка прыбыў у Каір, дзе сустрэўся з прэзідэнтам Егіпту, сёння ён удзельнічае ў беларуска-егіпецкім бізнес-форуме. Акрамя Егіпту, кіраўнік Беларусі наведае і Судан. Таваразварот з абедзьвюма краінамі нязьменна цягам трох гадоў зніжаецца.
Гэтыя візіты значным чынам не паўплываюць на знешнегандлёвы таваразварот Беларусі, але агульная карцінка будзе мець добры прапагандысцкі пасыл, адзначае беларускі незалежны эканаміст Леанід Заіка:
– Кіраўніцтва краінай непакоіцца, шукае нейкія кантакты, збірае дадзеныя пра магчымае развіццё тых ці іншых экспартных кірункаў. Прамога эфекту гэта мець не будзе. Існаванне перспектыўных праектаў я з цяжкасцю ўспрымаю. Гэта проста палітычны візіт, відавочна, паглядзець як і што можа змяніцца ў адносінах.
Летась таваразварот Беларусі з Егіптам быў у тры разы меншым у параўнанні з 2014 годам і склаў 47 мільёнаў даляраў. З Суданам таваразварот з 2013 года знізіўся ў два разы да 32 мільёнаў.
Зміцер Косцін, Беларускае Радыё Рацыя
