Аляксандр Лукашэнка: Ёсць дыктатары і горшыя за мяне…
Апошнім часам Аляксандр Лукашэнка зрабіў некалькі заяваў, якія можна было б пракаментаваць, як імкненне да паляпшэння стасункаў з Захадам.
„Аднак у гэтага збліжэння ёсць мяжа”, – мяркуе палітычны аглядальнік Аляксандр Сінкевіч:
– Думаю, што недавер да Беларусі, як да дыктатуры, застаўся нязменным. Беларусь мае такую “чорную метку”. А Лукашэнка мае традыцыйны недавер да Захаду, бо ў ім захаваўся савецкі стрыжань. Проста сітуацыя вымушае ісці на разрадку і Захад, і Беларусь. Але ёсць пэўныя межы, і гэтыя межы будуць неўзабаве дасягнутыя, я думаю, бліжэй да выбараў.
Аляксандр Лукашэнка ў інтэрв’ю агенцтву Bloomberg заявіў, што ён „больш не апошні дыктатар Еўропы”. „Ёсць дыктатары і горшыя за мяне… Я цяпер меншае зло”, – падкрэсліў ён.
Некаторыя аналітыкі патлумачылі гэтыя словы кіраўніка Беларусі, як сігнал Захаду ў справе канчатковага зняцця санкцый і пашырэння эканамічных кантактаў.
Васіль Кроква, Беларускае Радыё Рацыя
Фота „Интерфакс”
Глядзіце таксама
