Аляксандр Талстыка мае намер узначаліць Партыю БНФ
Кіраўнік кампаніі за свабоднае развіццё прадпрымальніцтва і былы кандыдат у дэпутаты Палаты Прадстаўнікоў Аляксандр Талстыка лічыць, што надышоў час вярнуць партыі былы палітычны ўплыў і аўтарытэт, які раней меў БНФ. Партыя БНФ павінна засяродзіць увагу на абароне незалежнасці краіны, якая зноў апынулася пад пагрозай з боку ўсходняга суседа, кажа Аляксандр Талстыка.
– Па-першае, мы ведаем гістарычны момант, што дзякуючы Партыі БНФ Беларусь атрымала незалежнасць у тыя 90-ыя гады. Дзякуй нашым былым палітычным дзеячам. Але сённяшні час паказвае на тое, што Партыя БНФ і ўвогуле наша краіна страчвае гэтую незалежнасць. Яе трэба аднаўляць.
Акрамя Аляксандра Талстыкі, пра намер узначаліць партыю ўжо заявілі Вольга Дамаскіна з Наваполацка і Ілля Дабратвор з Менска. Дзеючы старшыня партыі Аляксей Янукевіч паводле статуту зноў балатавацца не мае права.
Выбары новага старшыні Партыі БНФ мусяць адбыцца 30 верасня.
Павел Генадзіч, Беларускае Радыё Рацыя, Менск
Фота аўтара
Глядзіце таксама
