Андрэй Парубій: Сітуацыя ва Украіне – гэта глабальны канфлікт
Першы намеснік старшыні Вярхоўнай Рады Украіны Андрэй Парубій выступіў на форуме “Усходняга партнёрства “ у Варшаве, дзе прадстаўнікі краін-удзельніц абмеркавалі сённяшнюю небяспечную сітуацыю, якая пануе ў рэгіёне.
Украінскі палітык заклікаў краіны “Усходняга партнёрства” і Заходняй Еўропы быць салідарнымі ў адказе на мілітарную агрэсію на ўкраінскія тэрыторыі.
Кажа Андрэй Парубій:
– Тая сітуацыя, якая ёсць ва Украіне, гэта не проста расейска-украінскі канфлікт. Гэта глабальны канфлікт, і Пуцін кінуў выклік усяму сусветнаму пардку бяспекі. І адказ мы таксама мусім даваць разам. Я лічу, што на сёння галоўная задача для Еўропы – спыніць Пуціна праз санкцыі, праз адказ на інфармацыйную вайну, праз эканамічную незалежнасць, праз барацьбу з эканамічнай карупцыяй, якую Пуцін, на жаль, выкарыстоўвае у Еўропе.
Андрэй Парубій быў камендантам Самаабароны Майдану і фактычным кіраўніком намётавага гарадка. У снежні гэтага года яго выбралі на пасаду намесніка старшыні Вярхоўнай Рады Украіны.
Кася Бергель, Беларускае Радыё Рацыя, Варшава
Фота kievsmi.net
Глядзіце таксама
