Андрэй Шарэнда: Неабхода быць гатовымі да зменаў
Працу з людзьмі, якія пакінулі свае подпісы ў падтрымку кандыдата ад грамадскай кампаніі “Еўрапейская Беларусь” Паліны Шарэнда-Панасюк працягнуць у Берасці.
Шэраг людзей не толькі з задавальненнем паатрымоўвалі патэнцыйнага народнага абранніка, але і пакідалі свае кантакты, каб удзельнічаць у агітацыйнай кампаніі і далей дапамагаць, распавёў кіраўнік выбарчага штаба Андрэй Шарэнда:
– Недзе каля 20-30 чалавек пакінулі свае кантакты, каб дапамагаць далей. Таксама ў нас створана база тых, хто хоча пераменаў. Гэта не толькі паўтары тысячы людзей, але і шамт тых, хто збіраў подпісы ў нашай кампаніі. Хачу ўсім сказаць дзякуй усім, хто дапамагаў у зборы подпісаў і падпісаўся за перамены.
Нельга мірыцца з той сітуацыяй, якая ёсць у краіне, хопіць 25-ці год дыктатуры, неабходна быць гатовымі да зменаў, дадаў Андрэй Шарэнда.
Беларускае Радыё Рацыя, Берасце
Глядзіце таксама
