Анджэй Дуда і Марыюш Каміньскі ў чацвер былі на мяжы з Беларуссю
Прэзідэнт Дуда, размаўляючы са СМІ ў памежным мястэчку Stare Masiewo, падкрэсліў, што апошнім часам было шмат дыскусій і нападаў на афіцэраў памежнай службы ў сувязі з іх службай на мяжы, на інвэстыцыйныя праекты на мяжы ці на спосабам аховы гэтай мяжы, паведамляе portalsamorzadowy.pl.
– Усе мы, усе палякі, будзем мець магчымасьць выказаць сваё меркаванне на гэты конт на рэфэрэндуме, які адбудзецца ў наступную нядзелю. Я заклікаю ўсіх прыняць удзел у гэтым рэферэндуме, – сказаў прэзідэнт Дуда.
Ён паведаміў, што адно з пытанняў на рэферэндуме (усяго іх чатыры — РАР) датычыцца загароды на мяжы, ці павінна яна існаваць, а наступная датычыцца прапаноў, якія ўносяцца ўнутры ЕЗ адносна прымусовага перасялення мігрантаў. Гэта значыць, як растлумачыў прэзідэнт, „каб мы былі вымушаныя прымаць мігрантаў у сябе ў краіне і адпраўляць іх да нас з іншых краін”.
– Я рады, што гэты рэфэрэндум праводзіцца, таму што адказ, які мы дамо, будзе надзвычай важнай легітымацыяй для будучага польскага ўраду, каб гаварыць у Брусэлі пра тое, які насамрэч голас польскага грамадзтва ў гэтай справе, г.зн. дэмакратычны вердыкт палякаў, якія іх чаканні, – сказаў прэзідэнт Дуда.
Ён таксама падкрэсліў, што «абавязкам усіх польскіх уладаў з’яўляецца прыслухоўвацца да голасу грамадства».
Прэзідэнт Дуда, гаворачы пра чацвярговую сустрэчу на мяжы, падкрэсліў, што сітуацыя складаная і спробы нелегальнага перасячэньня мяжы працягваюцца. Гэта, як ён адзначыў, паказвае, што гэты бар’ер вельмі неабходны.
Кіраўнік Міністэрства ўнутраных спраў і адміністрацыі Марыюш Каміньскі падзякаваў прэзідэнту за тое, што ён зноў сустрэўся з памежнікамі і сказаў, што для іх гэта «вялікая маральная падтрымка».
– Яны змагаюцца не толькі з нелегальнай міграцыяй. Яны тут, каб трымаць нас у бяспецы. Каб быць застрахаванымі ад любых правакацый з боку беларускіх і расейскіх спецслужбаў. Супраць правакацый бандытаў з «групы Вагнера», якія дагэтуль знаходзяцца па той бок мяжы, – заявіў кіраўнік МУС.
