Анджэй Дуда прыбудзе ў Кіеў з афіцыйным візітам
14 снежня ў Кіеў з афіцыйным візітам прыбывае польскі Прэзідэнт Анджэй Дуда. Гэта першы візіт Анджэя Дуды ва Украіну пасля абрання яго прэзідэнтам. Двухдзённая праграма прадугледжвае перамовы ўкраінскага і польскага лідараў.
Больш падрабязна распавядзе наш украінскі карэспандэнт Марцін Война.
Пасля перамогі Анджэя Дуды на прэзыдэнцкіх выбарах і ўкраінскія, і польскія аналітыкі былі аднадушныя ў тым, што танальнасць узаемаадносінаў Варшавы і Кіева кардынальна не зменіцца. Польшча з’яўляецца найбольш паслядоўным саюзнікам украінцаў у супрацьстаянні расейскай агрэсіі і стратэгічным партнёрам Украіны ў Еўразвязе.
Мяркуецца, што Пётр Парашэнка абгаворыць з польскім калегам ход украінскіх рэформаў, без рэалізацыя каторых далейшая еўраінтэграцыя Украіны можа быць спыненая. Гэта тычыцца на йперш барацьбы з карупцыяй. Да таго ж, з 1 студзеня 2016 года набывае моц Пагадненне пра зону вольнага гандлю паміж Еўраўвязам і Украінай, што значна пашырыць эканамічныя кантакты Польшчы і Украіны.
Разам з тым ва Украіне не выключаюць, што падчас візіта Анджэя Дуды могуць быць узнятыя не надта прыемные для Кіева пытанні гістарычнага мінулага Украіны і Польшчы, найперш – Валынская трагедыя 1943 года.
Візіт Анджэя Дуды ва Украіну стане яго апошняй афіцыйнай замежнай паездкай сёлета.
Марцін Война, Беларускае Радыё Рацыя
