Багданкевіч і Лябедзька наведалі Слонім
У рэдакцыі “Газеты Слонімскай” 13 лютага адбылася сустрэча слонімцаў са старшынёй Аб’яднанай грамадзянскай партыі (АГП) Анатолем Лябедзькам і ганаровым старшынёй АГП і экс-старшынёй Нацыянальнага банка Беларусі прафесарам Станіславам Багданкевічам. 
Госці з Менску вялі гутарку пра стан беларускай эканомікі, пра карупцыю, якая сёння існуе ў Беларусі і як неабходна ўсім нам з ёю змагацца.
Станіслаў Багданкевіч больш спыніўся на фінансавых праблемах Беларусі, на дэвальвацыі, якая набірае сілы, а таксама адказаў на пытанні слонімцаў. 
Анатоль Лябедзька вёў сур’ёзную гутарку пра палітыку, пра будучыя прэзідэнцкія выбары, а таксама прэзентваваў і падараваў усім прысутным сваю кнігу “108 дзён і начэй у засценках КДБ”.
Барыс Баль. Беларускае Радыё Рацыя. Слонім
Фота аўтара.
