Байдэн гатовы сустрэцца з Пуціным у чэрвені ў Еўропе
Прэзідэнт ЗША Джо Байдэн заявіў пра гатовасць правесці прапанаваны ім расейска-амерыканскі саміт падчас яго паездкі ў Еўропу ў чэрвені.
Джо Байдэн выправіцца ў сваю першую замежную паездку ў якасці прэзідэнта ў Вялікабрытанію, дзе ён возьме ўдзел у сустрэчы кіраўнікоў краін-удзельніц “Вялікай сямёркі”, якая пройдзе з 11 па 13 чэрвеня. 14 чэрвеня ён адправіцца ў Брусель на саміт краін-удзельніц NATO, а затым сустрэнецца з лідарамі краін Еўразвязу.
Ідэю правядзення амерыканска-расейскага саміту прэзідэнт Байдэн агучыў у красавіку. Байдэн абвясціў, што ён гатовы сустрэцца з Уладзімірам Пуціным у трэцяй краіне і абмеркаваць праблемы, якія выклікаюць рост напружанасці ў адносінах паміж дзвюма краінамі. А гэта — расейская пагроза ў дачыненні да Украіны, расейскія кібератакі супраць амерыканскіх кампутарных сетак, пераслед у Расеі Аляксея Навальнага і яго прыхільнікаў.
Беларускае Радыё Рацыя
Фота: Аляксандр Землянічанка / AP
