Байкі пра Пуціна
У непрызнанай ЛНР з’явіўся новы дзіцячы часопіс “Ветлівыя чалавечкі”. Галоўным персанажам большасці вершаў і апавяданняў для дзяцей выступае “Папа” – Уладзімір Пуцін.
Больш падрабязна распавядзе наш украінскі карэспандэнт Марцін Война.
– “Папа Пуцін” прысутны ці не кожнай старонцы часопіса – і ў вершаваных радках, і ў прозе, і на ілюстрацыях. “Мамай” у часопісе пазначаная бландзінка, якая мае аддаленае падабенства да Алены Кабаевай. Бландзінка апранутая ў строй колероў расейскага сцяга, але ніякіх рэплік ёй не адведзена. “Дзеткі ЛНР” выяўленыя на ілюстрацыях у вобразах расейскіх дэсантнікаў, казакаў і міліцыянтаў.
Затое “вобраз ворага” ў “Ветлівых чалавечках” вельмі пазнавальны: тут і Фашыстон, і Сквапны Трусік, і Агідны Турчын, якія сеяць на Майдане кроп, што засланяе сабою сонца. Сярод іншых адмоўных герояў – Гнуланд, памочніца Фашыстона, якая раздае на Майдане печыва, што ператварае людзей у “карнікаў” і “разнасекаў”.
Крыніцы фінансавання часопіса “Ветлівыя чалавечкі” невядомыя. Стваральнікі часопіса дэкларуюць, што галоўнай мэтай выдання з’яўляецца “духоўна-патрыятычнае выхаванне моладзі”.
Марцін Война, Беларускае Радыё Рацыя
Фота: politolog.net
Глядзіце таксама
