Беларусь наведае армянская парламенцкая дэлегацыя
24-26 верасня адбудзецца візіт у Беларусь парламенцкай дэлегацыі Арменіі.
Як паведамляе прэс-служба Палаты прадстаўнікоў, дэлегацыю ўзначальвае намеснік старшыні Нацыянальнага сходу Арменіі Эдуард Шармазанаў.
Бакі плануюць прыняць удзел у адзінаццатым пасяджэнні міжпарламенцкай камісіі па супрацоўніцтве Нацыянальнага сходу Рэспублікі Беларусь і Нацыянальнага сходу Рэспублікі Арменія.
Праграмай візіту прадугледжваецца правядзенне сустрэч у Палаце прадстаўнікоў, Савеце Рэспублікі, Берасцейскім абласным выканаўчым камітэце, а таксама наведванне шэрагу прадпрыемстваў Менска і Берасця.
belapan.by
