Беларусь высылае з Менска амбасадара Латвіі і ўвесь дыпперсанал
Латвія ў адказ высылае амбасадара Беларусі і ўсіх дыпламатаў, паведамляе Reuters са спасылкай на прадстаўніка МЗС Латвіі.
* * *
Пра гэта распавёў міністр замежных спраў Беларусі Уладзімір Макей, перадае @sputnikby. Міністр назваў „актам дзяржаўнага вандалізму” інцыдэнт з дзяржсцягам Беларусі ў Рызе і паведаміў, што амбасадару Латвіі ў Беларусі Эйнарсу Семанісу прапанавана пакінуць Беларусь на працягу 24 гадзін.
Таксама паведамляецца, што разам з амбасадарам Латвіі Беларусь высылае з краіны ўвесь дыпламатычны персанал за выключэннем аднаго тэхнічнага супрацоўніка. Ім трэба зрабіць гэта за 48 гадзін.
Фота: twitter.com/MStakis/
Нагадаем, што сёння ў Рызе мэр горада Марціньш Стакіс разам з міністрам замежных спраў Латвіі Эдгарам Рынкевічам замянілі дзяржаўны сцяг Беларусі на бел-чырвона-белы з «Пагоняй».
Фота: lvportals.lv
