БХД: Звяртаем увагу на фэйкавыя навіны
Прэс-служба аргкамітэта па стварэнні партыі Беларуская хрысціянская дэмакратыя разаслала прэз-рэліз прысвечаны прамежкавым вынікам праймерыз:
– Звяртаем увагу на фэйкавыя навіны, якія распаўсюдзіла прэс-служба «Руху за свабоду» з нагоды вынікаў галасавання ў кампаніі праймерыз.
Фантастычныя лічбы „перамогі” Юрыя Губарэвіча з’яўляюцца прыватным меркаваннем гэтай персоны і ніякага дачынення да афіцыйнай пазіцыі кампаніі праймерыз не маюць. Нагадваем, што першы этап галасавання, згодна з падпісанай дамовай, павінен быў праходзіць у 56 гарадах, і гэта галасаванне пакуль на дадзены момант прыпыненае.
Акрамя таго, нават па выніках галасавання ў гарадах, дзе прайшло галасаванне, лічбы за Юрыя Губарэвіча нашмат ніжэй, чым распаўсюджана ў яго заяве.
Згодна з падпісаным пагадненнем кампаніі праймерыз, усе вынікі галасавання зацвярджаюцца кансэнсусам. Што да першага этапу галасавання, то рашэнне па ім прынята быць не можа, пакуль не скончыцца галасаванне ва ўсіх абласцях.
Глядзіце таксама
