Чакаюцца змены ў законе „Аб супрацьдзеянні экстрэмізму”
Змены чакаюцца ў законе „Аб супрацьдзеянні экстрэмізму”. Праект закону апублікавалі на Нацыянальным прававым партале.
Панятак, што такое «экстрэмізм», пашыраецца. За «экстрэмісцкія дзеянні» могуць абвінаваціць: людзей, партыі, арганізацыі, у тым ліку замежныя і міжнародныя.
Экстрэмізмам палічылі: распаўсюд хлуслівых звестак пра розныя сферы жыцьця Беларусі, прававы стан беларусаў, «якія дыскрэдытуюць Рэспубліку Беларусь»; абразу прадстаўніка ўлады, дыскрэдытацыю органаў улады і кіравання; перашкоду працы Цэнтрвыбаркаму ды іншых дзяржаўных органаў; актыўны ўдзел у масавых беспарадках ці іх арганізацыю; заклік на несанкцыянаваную масавую акцыю — ад мітынгу да пікету, а таксама ўцягненне людзей ва ўдзел у іх; публічнае апраўданне такіх дзеянняў, а тым больш заклік да іх; фінансаванне вышэйпазначаных дзеянняў.
Забаронена выкарыстанне «экстрэмістамі» сімволікі, прызнанай гісторыка-культурнай каштоўнасцю, а таксама афіцыйных сімвалаў.
2 красавіка Палата прадстаўнікоў прыняла гэты законапраект у першым чытанні.
Беларускае Радыё Рацыя
Фота: spring96.org
