Чаму беларусамі захапляюцца замежнікі?
Я прапаную паразважаць пра захапленне беларусамі людзьмі з адрозных культур.
Я за сваё жыццё сустракаў французаў, палякаў, расейцаў і нават японцаў, якія захопліваліся беларушчынай. Дадамо спіс: бразільянка, гішпанка, вугорац і немец. І, канешне, украінцы.
Што вабіць замежнікаў да беларускай культуры, апроч чароўнасці беларускай мовы?
Як і заўжды, у «Тэме дня» вы пачуеце толькі аўтарскае меркаванне.
А яно такое: беларусы – гэта прыклад экзістэнцыяльнай перамогі дабра над злом.
Мы – беларусы – як калектыўная свядомасць, падобная да пчалінага рою, робім на карысць адзін аднаго.
Так, вы можаце прыгадаць псіхічныя адхіленні з міліцыі ці КГБ.
Але гэта вырадкі, з якімі мусяць займацца псіхіятры.
Лыжка гною ў бочцы з мёдам ёсць у кожнай краіне.
Чым жа ж важная Беларусь, а дакладней – беларусы.
Калі меркаваць па асноўных краінах вымушанай эміграцыі беларусаў: Польшчы, Літве і Грузі, тут эмігранты аб’ядноўваюцца ў культурныя, бізнесовыя ці пабытовыя групы.
Шмат хто ігнаруе патрэбы беларусаў, якія выехалі з Радзімы з дзецьмі.
Шмат хто не разумее на колькі патрэбныя юрыдычныя кансультацыі.
І канешне наш досвед 2020 года – ён не можа знікнуць.
Тут мы ўнікальныя, і нават можам дапамагчы палякам, якія змагаюцца за свабоду ад сваіх рэлігійных ябацек.
Выснова такая, што мы ў Польшчы не панаехалыя, каб падзарабіць, а ўдзельнікі вялікага працэсу па змене канцэпцыі жыцця.
І каб патроліць польскіх ябацек, кажыце, што вы шляхта, а з якога краю – не мае значэння.
Гэта жарт. Самае галоўнае, што падарылі беларусы сусвету – гэта ідэя самапавагі.
Самае брыдкае, што я чуў пра беларусаў – гэта тое, што жанчыны не маюць права ўдзельнічаць у рэвалюцыі.
Самае цудоўнае – што мы не баяліся ісці пад кулі і гранаты.
Севярын Квяткоўскі, Беларускае Радыё Рацыя
