Чатырох супрацоўнікаў “Нашай Нівы” прызналі палітвязнямі
Праваабаронцы прызналі чатырох супрацоўнікаў “Нашай Нівы” палітычнымі зняволенымі і патрабуюць неадкладнага вызвалення Ягора Марціновіча, Андрэя Скурко, Вольгі Раковіч, Андрэя Дынько з-пад варты; а таксама спынення рэпрэсій, вызвалення ўсіх палітычных зняволеных.
“Нашаніўцы” былі затрыманыя 8 ліпеня і пасля допыту адвезеныя ў ізалятар на Акрэсціна. Яны праходзяць падазраванымі па крымінальнай справе (падрыхтоўка ці арганізацыя дзеянняў, што парушаюць грамадскі парадак, або актыўны ўдзел у іх). У Беларусі ўжо 548 палітвязняў.
Беларускае Радыё Рацыя
Фота: Наша Ніва
