Дэмакратычныя сілы прапанавалі стратэгію на рэферэндуме
Дэмакратычныя сілы прапанавалі стратэгію на рэферэндуме, які мае адбыцца ў пачатку наступнага года: «Усіх нязгодных з беззаконнем, якое захліснула нашу краіну, заклікаем далучыцца да стратэгіі дзеянняў на «Рэферэндуме», якую распрацавалі грамадзянскія ініцыятывы. «Рэферэндум» запланаваны на пачатак 2022-га.
Гэтае мерапрыемства – злачынства і падман, якое мы, грамадзяне Беларусі, ператворым у «вотум недаверу» Лукашэнку і яго атачэнню. Заклікаем прыходзіць на ўчасткі і рабіць бюлетэнь несапраўдным. Гэтае дзеянне азначае, што мы не згодныя з рэжымам Лукашэнкі і выступаем за ўсталяванне законнасці і стварэння ўмоваў для правядзення сумленных выбараў».
Як зрабіць бюлетэнь несапраўдным?
1) У дзень галасавання прыйсці на выбарчыя ўчасткі.
2) Паставіць крыжыкі насупраць усіх прапанаваных у бюлетэні варыянтаў.
3) Апусціць бюлетэнь у скрыню для галасавання.
Такія інструкцыі даюць аўтары стратэгіі.
Беларускае Радыё Рацыя
