Дональд Трамп прапанаваў выйсце з урадавага крызісу
Прэзідэнт ЗША Дональд Трамп у сваім суботнім тэлезвароце прапанаваў дэмакратам кампраміснае рашэнне міграцыйных пытанняў для магчымага выхаду з урадавага крызісу, які працягваецца ў ЗША з 22 снежня.
Ён абяцае аказаць падтрымку дзецям нелегальных мігрантаў у абмен на фінансаванне будаўніцтва сцяны на мяжы, паведамляе “Голас Амерыкі”.
Трамп заявіў, што іміграцыйная сістэма краіны не працуе ўжо дзесяцігоддзі. Гэта прыводзіць да гуманітарнага крызісу на мяжы з Мексікай. Адсутнасць бяспекі межаў, па словах кіраўніка Белага дома, спрыяе кантрабандзе, наркатрафіку, росту злачыннасці.
Прэзідэнт сказаў, што будаўніцтва сцяны або сталёвага бар’еру на мяжы дазволіць значна знізіць ровень злачыннасці і колькасць фактаў нелегальнага перасячэння мяжы.
Трамп адзначыў, што ён вітае мігрантаў і новых грамадзян Злучаных Штатаў, але выступае за легальную міграцыю.
Глядзіце таксама
