Дональд Туск: Правы чалавека – нязменная каштоўнасць для Еўропы
Беларусь у Еўразвязе ўспрымаюць як „адказнага і прадказальнага партнёра ў тым, што тычыцца канфлікту Расеі і Украіны”. Пра гэта заявіў старшыня Еўрапейскай рады Дональд Туск падчас інтэрв’ю вузкаму колу журналістаў чатырох краін „Усходняга партнёрства”.
Адказваючы на пытанне, як пазіцыя Менска па ўкраінскаму крызісу паўплывала на ўспрыманне Беларусі ў ЕЗ, Туск адзначыў: „Для пачатку, асабіста мой погляд змяніўся. І мае кантакты з Лукашэнкам, і адносіны паміж краінамі былі вельмі складанымі па многіх прычынах”. Сюрпрызам стала першая размова з Лукашэнкам адразу пасля анексіі Крыма, я ўбачыў, што Беларусь па-сапраўднаму незалежная і нейтральная ў гэтым вельмі важным пытанні як для ЕЗ, так і для самой Беларусі”, – дадаў прэзідэнт Еўрапейска рады.
Разам з тым Туск заявіў, што ЕЗ не можа змяніць сваю пазіцыю па некаторых унутраных праблемах у Беларусі. „Гаворка ідзе аб правах чалавека, пра палітвязняў. Гэта нязменныя каштоўнасці для Еўропы. І мы ніколі не будзем рабіць гэтыя прынцыпы прадметам для дыскусій”, – дадаў ён.
Беларускае Радыё Рацыя
Фота Reuters
Глядзіце таксама
