Дуда і Зяленскі адмянілі сустрэчу на палях Генеральнай асамблеі ААН
„Украіна паводзіць сябе як тапелец, які за ўсё чапляецца; дапамагаючы ёй, мы маем права абараніць сябе ад прычынення нам шкоды”, заявіў прэзідэнт Польшчы Анджэй Дуда ў аўторак у Нью-Ёрку, каментуючы спрэчку пра экспарт украінскага збожжа.
Пра спрэчку вакол украінскага збожжа Дуда згадаў падчас брыфінгу для польскіх СМІ перад штаб-кватэрай ААН у Нью-Ёрку.
Гаворачы пазоў Украіны супраць Польшчы ў Сусветнай гандлёвай арганізацыі (СГА) у сувязі з забаронай імпарту збожжа на польскі рынак, прэзідэнт Анджэй Дуда заявіў, што Польшча растлумачыць гэтае пытанне ў міжнародным судзе.
Ён адзначыў, што Польшча дазваляе і дапамагае Украіне ў транзіце харчавання на іншыя рынкі, дзякуючы чаму экспартуецца такім чынам удвая больш збожжа – 260 тысяч тон – чым да расейскага ўварвання. Ён паведаміў, што Польшча разам з Літвой працуе над дадатковым спрашчэннем працэдур і экспарту праз Клайпедскі порт.
Дуда прызнаўся, што, нягледзячы на свае планы, не змог сустрэцца з прэзідэнтам Украіны Уладзімірам Зяленскім па арганізацыйных прычынах. Як ён растлумачыў, прычынай сталі затрымкі ў графіку выступленняў лідараў на Генасамблеі ААН. Пры гэтым ён адзначыў, што не выключана, што сустрэнецца з ім пазней.
