Эдуард Пальчыс – на волі!
У Менскім гарадскім судзе сёння абвесцілі прысуд блогеру Эдуарду Пальчысу (Джону Сільверу, стваральніку сайта 1863x.com) – 1 год і 9 месяцаў «хатняй хіміі» без накіравання ў калонію. Але ў ягоным выпадку дзень у СІЗА лічыцца за два, таму застаецца каля двух месяцаў «хатняй хіміі».
Зала вітае яго вызваленне, гучаць словы «Жыве Беларусь!».
На абвяшчэнне прысуду прыйшло 100 чалавек, у тым ліку Зміцер Дашкевіч, Павел Севярынец, Павел Юхневіч, Антон Матолька, Ігар Лосік.
[youtube id=”usao-UUyAy0″]
Эдуард Пальчыс падзякаваў усім у калідоры суда за падтрымку: «Я не лічу сябе героем. Гэта зрабілі вы. Тое, што вызвалілі мяне, – гэта ваша заслуга, тых, хто пісаў пра гэта. Мы будзем змагацца за ўсіх. Людзі не павінны сядзець за палітыку».
Якраз у дзень абвяшчэння прысуду Эдуарду Пальчысу споўнілася 26 гадоў.
Беларускае Радыё Рацыя
