Прадстаўлены план па стварэнні міграцыйных цэнтраў на тэрыторыі ЕЗ
Сёння Еўракамісія (ЕК) прадставіла агульныя палажэнні па стварэнні кантрольных цэнтраў для вызначэння статусу мігрантаў на тэрыторыі ЕЗ, а таксама папярэднія крокі па арганізацыі прыёму тых, каго выратуюць у водах Міжземнага мора, паведамляе ТАСС.
Плануецца, што кантрольныя цэнтры павінны стаць для мігрантаў першай кропкай прыбыцця на тэрыторыю ЕЗ незалежна ад таго, у якім порце выратавальныя судны іх высадзяць. Пры гэтым цэнтры будуць знаходзіцца ў веданні дзяржаў, на тэрыторыі якіх яны размешчаны.
Працаваць яны будуць у цесным кантакце з камандамі берагавой аховы, спецыялістамі ў сферы бяспекі і рэпатрыяцыі, а таксама экспертамі па міграцыі. Усе эксплуатацыйныя расходы будуць пакрывацца за кошт агульнаеўрапейскага бюджэту, а за кожнага прынятага ў цэнтр мігранта краіна будзе атрымліваць па 6 тыс. еўра.
Для праверкі канцэпцыі кантрольных цэнтраў у бліжэйшы час можа быць запушчана іх пілотная фаза. ЕК таксама забяспечыць цэнтральны пункт для каардынацыі дзеянняў паміж краінамі-членамі, якія прымаюць удзел у намаганнях па салідарнасці ў размеркаванні.
