«Галоўная перамога ў нас наперадзе» – зварот Ціханоўскай
Лідарка АПКБ Святлана Ціханоўская апублікавала зварот да Дня беларускай вайсковай славы.
„Амаль 500 гадоў таму у бітве пад Оршай войскі ВКЛ пад камандаваннем гетмана Астрожскага разбілі маскоўскае войска, якое вяло наступ на беларускія землі. Гэта сумесная перамога беларускага, літоўскага, польскага і ўкраінскага народаў. Мы паказалі, што здольныя бараніць тое, што шануем.
Я ганаруся тым, што беларусы шануюць сапраўдную гісторыю, сваіх герояў і адзначаюць святы, за якія не сорамна. І дзень вайсковай славы адзін з такіх. І я віншую вас з ім. Бо галоўная перамога ў нас наперадзе.
Жыве Беларусь!»
Першае святкаванне Дня беларускай вайсковай славы адбылося на плошчы Незалежнасці ў Менску 8 верасня 1992 году з ініцыятывы Беларускага Народнага Фронту «Адраджэньне». Свята таксама адзначылі ў Берасці, Гародні ды іншых гарадах Беларусі.
Беларускае Радыё Рацыя
