Гарбачоў падтрымаў рашэнне Пуціна „вярнуць” Крым
Міхаіл Гарбачоў у сітуацыі з Крымам зрабіў бы тое ж, што і прэзідэнт Расеі Уладзімір Пуцін. Пра гэта першы і апошні прэзідэнт былога СССР заявіў у інтэрв’ю часопіснаму дадатку нядзельнай газеты Sunday Times.
«Пазіцыя Гарбачова аказалася значна больш сугучнай з Крамлём, чым жадалі б чуць многія ягоныя прыхільнікі на Захадзе. Быў бы аспрэчваемы паўвостраў часткай Украіны, калі б ён нёс за гэта адказнасць? Ён сказаў, што, апынуўшыся ў такой жа сітуацыі, як Пуцін, ён не дзейнічаў бы па-іншаму», – паведамляе выданне, перадаючы частку інтэрв’ю ў форме ўскоснай мовы.
«Я заўсёды падтрымліваў свабоднае волевыяўленне людзей, а большая частка Крыму жадала аб’яднацца з Расеяй», – прыводзіць выданне словы самога Гарбачова.
Адказваючы на пытанне аб тым, звярнуўся б ён сам да падобнага сцэнару ў крымскім пытанні, экс-прэзідэнт адказаў: «Адзіная сапраўдная прычына, па якой я б гэтага не зрабіў, палягае на тым, што калі б я заставаўся ва ўладзе, то Савецкі Саюз працягваў бы існаваць, і Крым быў яго часткай ».
Пра давер ЗША Міхаіл Гарбачоў таксама заявіў, што Вашынгтон растраціў давер, створаны ў перыяд «перабудовы» ў стасунках паміж РФ і ЗША.
«Пад сталом амерыканцы паціралі рукі ад радасці. Яны думалі: «Мы – пераможцы, мы выйгралі «халодную вайну», замест таго, каб прызнаць тую вялікую ролю, якую мы згулялі, каб завяршыць яе. Яны думалі: «Цяпер мы – гаспадары свету», – адзначыў Гарбачоў.
І пры гэтым дадаў: «Яны не былі шчыра зацікаўленыя ў тым, каб аказаць дапамогу Расеі стаць стабільнай і моцнай дэмакратыяй. Яны думалі, што паменшылі яе ў памерах. У гэтым працэсе яны растрацілі той давер, які мы пабудавалі „.
Паводле tass.ru
Фота ТАСС
