Год таму пачалася так званая „справа БелТА”
Год таму ў некалькіх рэдакцыях і на кватэрах журналістаў былі праведзеныя вобшукі, 15 журналістаў былі затрыманыя на тэрмін да 3 сутак. Асноўны ціск быў накіраваны на недзяржаўную інфармацыйную кампанію БелаПАН і інфармацыйна-аналітычны партал ТУТ.БАЙ.
Усё гэта адбывалася ў межах крымінальнай справы аб несанкцыянаваным доступе да стужкі навінаў дзяржаўнага інфармацыйнга агенцтва БелТА.
Па словах галоўнай рэдактаркі БелаПАН Ірыны Леўшынай, якая была затрымана амаль на 2 сутак і ў якой дома адбыўся ператрус, яна і зараз не разумее, навошта ўладам была гэтая справа, якая сапсавала ў свеце іх і так не вельмі добры імідж:
– Мне падаецца, што гэта было імпульсіўнае рашэнне, зусім непрадуманае. Людзі не змаглі пралічыць наступстваў гэтага рашэння. Прычым наступстваў менавіта на дзяржаўным роўні. І я ўсё ж такі думаю, што яны разлічвалі на нейкую іншую рэакцыю з боку журналістаў. І яны не чакалі салідарнасці ў грамадстве.
У выніку крымінальная справа адносна 14 яе фігурантаў была перакваліфікавана ў адміністрацыйную. Усё скончылася штрафамі і кампенсацыяй стратаў для БелТА. Толькі справа галоўнага рэдактара ТУТ.БАЙ Марыны Золатавай была перадазена ў суд. Золатаву прызналі вінаватай у бяздзеянні службовай асобы і аштрафавалі на 300 базавых велічыняў.
Цалкам матэрыял у далучаным гукавым файле:
Беларускае Радыё Рацыя, Менск
Фота БелаПАН
