GPPAC занепакоены пазіцыяй кіраўніцтва Беларусі па каронавірусу
Міжнародная сетка арганізацый GPPAC выказвае занепакоенасць з нагоды пазіцыі кіраўніцтва Беларусі адносна пандэміі каронавіруса. Глабальнае партнёрства па прадухіленні ўзброеных канфліктаў (GPPAC) – гэта глабальная сетка арганізацый грамадзянскай супольнасці, якія актыўна працуюць на прадухіленне жорсткіх канфліктаў і пабудову мірных супольнасцяў.
“Цяперашняя пандэмія – гэта глабальны выклік чалавецтву. Мы прызнаем, што да гэтага выкліку няма падыходу „адзін для ўсіх” і што розныя краіны могуць самастойна прымаць рашэнні адносна рэагавання на гэтую новую глабальную пагрозу. Аднак, хоць адказы могуць адрознівацца, важна, каб яны грунтаваліся на навуковых ведах і на рэалістычнай ацэнцы сітуацыі, а не на простым адмаўленні праблемы альбо спробах схаваць яе вастрыню.
На жаль, падобна, што менавіта такі курс абраны прэзідэнтам Беларусі А. Лукашэнкам і ўрадам Беларусі. Шмат разоў спада Лукашэнка наўмысна зніжаў рызыку развіцця пандэміі, і ўрад Беларусі адмовіўся ўводзіць якія-небудзь значныя меры каранціну, нават такія простыя, як прыпыненне спартыўных спаборніцтваў, якія збіраюць вялікую колькасць гледачоў. Але нават афіцыйная дзяржаўная статыстыка, надзейнасць якой ставяць пад сумнеў шматлікія назіральнікі, сведчыць пра тое, што ў краіне значна больш высокі ўзровень заражэння на душу насельніцтва COVID-19, чым у суседзяў – больш чым у 2 разы вышэй, чым у Польшчы, Расеі, Літве, прыблізна на 5 у разы вышэй, чым суседняй Украіна.
І колькасць зарэгістраваных новых выпадкаў захворвання COVID-19 у Беларусі расце з кожным днём. Тым не менш, нягледзячы на такія статыстычныя дадзеныя, урад Беларусі прыняў рашэнне адчыніць школы, у той час як прэзідэнт краіны адкрыта выказваўся супраць таго, каб дзеці насілі ў школьных класах маскі для твару. У іншых заявах спадар Лукашэнка сцвярджаў, што „ніхто не памёр ад каранавіруса ў Беларусі”. (…)
Мы заклікаем іншыя ўрады, а таксама ААН і Сусветную арганізацыю аховы здароўя запатрабаваць ад урада Беларусі прыняць эфектыўныя меры супраць распаўсюджвання пандэміі коронавіруса.
Мы заклікаем арганізацыі грамадзянскай супольнасці выказаць сваю заклапочанасць беларускім чыноўнікам і падкрэсліць, што адказная пазіцыя яе ўрада, а таксама кіраўніцтва ўсіх краін падчас бягучай сусветнай пандэміі мае важнае значэнне для дабрабыту ўласнага насельніцтва. а таксама дзеля эфектыўнасці сусветных намаганняў па барацьбе з праблемай каранавіруса”.
Заява Глабальнага Партнёрства па сітуацыі ў Беларусі даступная па спасылцы: https://gppac.net/news/gppac-expresses-concern-over-covid-19-response-belarus
Беларускае Радыё Рацыя
Глядзіце таксама
