Ігар Гузь: Не прызначаць амбасадара ў Беларусь – гэта дыверсія
У Вярхоўнай Радзе абмяркоўваюць беларускія пытанні. З трыбуны ўкраінскага парламента эмацыйна выступіў Ігар Гузь, намеснік старшыні камітэта Вярхоўнай Рады па замежных пытаннях. Практычна ўвесь выступ народнага абранніка быў прысвечаны нашай краіне.
[youtube id=”7wjagN-bpV0″]
Больш падрабязна распавядзе наш украінскі карэспандэнт Марцін Война.
Народны дэпутат Ігар Гузь нагадаў Вярхоўнай Радзе, што вось ужо больш за год у Беларусі няма паўнамоцнага амбасадара Украіны. Народны дэпутат абвінаваціў Адміністрацыю ўкраінскага прэзідэнта ў свядомай дыверсіі і ў руйнаванні ўкраінскай міжнароднай палітыкі.
“Забейце мяне і ўкрыжуйце, але я не магу зразумець, чаму прэзідэнт Украіны не можа знайсці аднаго чалавека і прызначыць яго амбасадарам Украіны ў Беларусі?!” – запытаў Ігар Гузь. “Гэта не Зімбабвэ, не Парагвай і не Манголія, а краіна, з якой мы маем агульную мяжу”, – нагадаў народны дэпутат.
Ігарь Гузь таксама звянруў увагу на нядаўнія ператрусы ў бацькоў беларускіх добраахвотнікаў, якія ваююць на баку Украіны.
Народны дэпутат упэўнены, што інтарэсы такіх людзей павінен абараняць і ўкраінскі амбасадар.
Міхаіл Ежэль, папярэдні Надзвычайны і Паўнамоцны амбасадар Украіны ў Рэспубліцы Беларусь, быў адхілены з пасады Пятром Парашэнкам. Супраць яго ва Украіне ўзбуджана 50 крымінальных спраў па падазрэнні ў карупцыі. Паводле шматлікіх інфармацый з украінскіх медыя, Міхаіл Ежэль хаваецца ў Менску і катэгарычна адмаўляецца вяртацца ва Украіну.
Марцін Война, Беларускае Радыё Рацыя
