Ігар Маслоўскі: Мы задаволены нашай камандай “ЗА”
Дзесяць кандыдатаў у дэпутаты ад Беларускай сацыял-дэмакратычнай партыі (Грамада) падалі дакументы на рэгістрацыю па Берасцейскай вобласці.
Яны чакаюць рашэння камісій, каб працягнуць кампанію ў фармаце агітацыі, — распавёў палітык Ігар Маслоўскі:
– Мы задаволеныя сваімі дзеяннямі і асабліва дзеяннямі нашай каманды “ЗА”, якую мы збіралі цягам апошніх двух месяцаў. Гэта была яшчэ падрыхтоўка кампаніі і збору подпісаў. Тыя задачы, якія мы ставілі перад сабой, перад нашымі актывістамі, мы дасягнулі. Сабралі тую колькасць подпісаў, якая была нам неабходна для рэгістрацыі і фармавання мінімальнай каманды.
Як адзначыў Ігар Маслоўскі, падчас агітацыйнай кампаніі жыхары Берасцейскай вобласці змогуць пазнаёміцца бліжэй з кандыдатамі, даведацца пра партыйную праграму і пакінуць свае кантактныя дадзеныя для далейшай супрацы.
Беларускае Радыё Рацыя, Берасце
