Ірына Вештрад абвінаваціла „Гавары праўду” ў непрыстойнай гульні
Чарговы скандал вакол Беларускай сацыял-дэмакратычнай партыяй «Грамада» разгарэўся пасля таго, як на апошняе паседжанне ЦК некаторыя сябры партыі прыйшлі з плакатамі «Пераможам Вештард — пераможам і Лукашэнку!», абвінавачваючы кіраўнічку партыі ва ўзурпацыі ўлады.
Спрэчныя пытанні, якія ёсць у любой партыі і якія абмяркоўваюцца ўнутры партыі, не павінны выносіцца ў адкрытую прастору, кажа дзеючая старшыня БСДП “Грамада” Ірына Вештард.
– Я лічу гэта ганебнай практыкай. Практыкай, якую трэба зжываць з партыі. Я не супраць таго, што мы можам быць іншадумцамі, мець розныя меркаванні, можам спрачацца. Але я катэгарычна супраць таго, каб як хутчэй пасля нарады ледзь не ўсе рашэнні вынесці ў інтэрнэт-прастору. Навошта? Дзе яшчэ ў якой партыі такое ёсць? І пасля будуць казаць, што нехта па-ўзурпатарску ставіцца.
Па словах Ірыны Вештард, яна не будзе вылучаць сваю кандыдатуру на пасаду старшыні Беларускай сацыял-дэмакратычнай партыяй “Грамада” на наступным з’ездзе партыі. Гэта, на яе думку, дае магчымасць яе праціўнікам больш упэўнена заяўляць свае амбіцыі на кіраўніцтва партыяй.
Павел Генадзіч, Беларускае Радыё Рацыя, Менск
Глядзіце таксама
