Каардынацыйная рада прыняла новы рэгламент і пачала дзяліцца на фракцыі
Абноўлены склад Каардынацыйнай рады сфармавалі 8 лютага – у яе ўвайшлі 105 чалавек ад арганізацыяў і супольнасцяў дэмакратычнага руху, а таксама актывісты-самавылучэнцы. 2 сакавіка дэлегаты ўхвалілі новы рэгламент, а 6-га прэзентавалі восем фракцыяў.
Фракцыі пакуль не сфармавалі канчаткова, дэлегаты могуць да іх далучацца пры жаданні. Яшчэ зарана, каб упэўнена казаць пра выразны падзел Каардынацыйнай рады, напрыклад, на «фракцыю пацыфістаў і фракцыю радыкалаў», «фракцыю маладзейшых і фракцыю ветэранаў» ці «праціханоўскую і контркабінетную фракцыі», хоць такое можа адбыцца пазней.
