Калі ў Беларусь прыедзе новы пасол Польшчы?
Конрад Паўлік афіцыйна прызначаны новым амбасадарам Польшчы ў Беларусі.
Міністар замежных справаў Польшчы Вітальд Вашчыкоўскі ўручыў яму адпаведнае рашэнне прэзідэнта Анджэя Дуды.
Адзначым, што Конрад Паўлік — прафесійны дыпламат. Яму 39 гадоў. Ён нарадзіўся ў Варшаве. Скончыў факультэт міжнародных эканамічных і палітычных адносінаў Галоўнай гандлёвай школы. Валодае ангельскай, расейскай і карэйскай мовамі. У МЗС Польшчы працуе з 2007 году. У прыватнасці, быў намеснікам дырэктара Дэпартамэнту па справах Усходняй Еўропы, а пазней дырэктарам. Працаваў упаўнаважаным міністра замежных справаў па справах «Усходняга партнёрства».
Цягам двух тыдняў новы амбасадар прыбудзе ў Менск. Першым заданнем Конрада Паўліка на новай пасадзе стане падрыхтоўка візиту міністра Вашчыкоўскага ў Менск.
Беларускае Радыё Рацыя
Фота twitter.com
