Каля Львова кінулі выбухоўку ў польскі аўтобус
Позна ўвечары ў суботу каля Львова выбуховым прыстасаваннем пашкодзілі аўтобус, у Міністэрстве замежных спраў лічаць гэта правакацыяй да прыезду ва Украіну польскага прэзідэнта Анджэя Дуды.
Пра інцыдэнт паведаміў у Facebook дэпутат Львоўскай гарадской Ігар Зінкевіч.
„9 снежня каля 23:20 на кальцавой дарозе на стаянцы гатэля «Панская Гара» невядомым выбуховым прыстасаваннем пашкодзілі знешнюю абшыўку і бакавую шыбу аўтобуса маркі МАN на польскай рэгістрацыі”, – напісаў ён.
„Пацярпелых няма”, – дадаў дэпутат.
У той жа час міністр замежных спраў Павел Клімкін рашуча асудзіў інцыдэнт у Twitter.
„Хтосьці настойліва спрабуе пасварыць нас з Польшчай і сарваць візіт прэзідэнта Анджэя Дуды. Зробім усё, каб расследаваць гэты інцыдэнт. А правакатарам скажу – не атрымаецца!”, – напісаў міністр.
Рішуче засуджую провокацію щодо польського автобуса,який знаходився на паркінгу неподалік Львова.Обійшлося без жертв!Хтось настирливо намагається розсварити нас з Польщею та зірвати візит Президента А.Дуди.Зробимо все,щоб розслідувати цей інцидент.А провокаторам скажу – не вийде!
— Pavlo Klimkin (@PavloKlimkin) 10 декабря 2017 г.
