Канадскія вайскоўцы пачалі падрыхтоўку ўкраінскіх сапёраў у Польшчы
Канадскія вайскоўцы пачалі праводзіць у Польшчы спецыялізаваны курс падрыхтоўкі ўкраінскіх сапёраў. Пра гэта ў Твітэры паведаміла міністр абароны Канады Аніта Ананд.
„Сёння каля 40 вайскоўцаў канадскіх узброеных сіл пачалі выкладаць першыя ў Польшчы канадскія курсы для ўкраінскіх сапёраў. Навучанне прысвечана выяўленню, ідэнтыфікацыі і абясшкоджванню выбухованебяспечных прадметаў і іх выкарыстання падчас выбуховых работ. Гэтыя навыкі выратуюць жыцці і дапамогуць украінцам абараніць сваю краіну» – адзначае канадская міністр абароны.
Ананд падкрэсліла, што Канада «салідарная з Украінай, паколькі яе гераічныя ўзброеныя сілы працягваюць змагацца з незаконным і неапраўданым уварваннем Расеі».
Тым часам Міністр абароны Польшчы Марыюш Блашчак звярнуўся да Нямеччыны з просьбай перадаць Украіне прапанаваныя Польшчы батарэі Patriot, для размяшчэння ля заходняй мяжы.
«Пасля чарговых расейскіх ракетных атак я папрасіў Нямеччыну, каб батарэі Patriot, прапанаваныя Польшчы, былі перакінутыя ва Украіну і размешчаны на заходняй мяжы. Гэта пазбавіць Украіну ад новых ахвяр і адключэння святла і павысіць бяспеку на нашай усходняй мяжы», — напісаў Блашчак у Twitter.
Беларускае Радыё Рацыя
